مكتبة آفاق

بسم الله الرحمن الرحيم

اللهم صل و سلم على محمد و آل محمد

السلام عليكم و رحمة الله و بركاته 

وجدت هذا التقرير عن إحدى المكتبات في الكويت والتي توفر كتب متنوعة وحسب الطلب 

إليكم التقرير 

مكتبه آفاق 

 

مع انها مكتبه غنيه جدا جدا جدا فوق ما تتخيلون .. و فيها كتب بواااااااايد مواضيع

و مو كل تركيزها عالقصص و الروايات

بل تهتم بالجوانب الفكرية الاخرى كلها .. الفلسفه ، التاريخ ، العلوم ، الاقتصاد ، الشعر ..

و الاحلى ان فيها بعض الكتب اللي مستحيل تلقينها في ايييييييييييييييييييييييييييي مكان ثاني !

لانهم اييبون و يختارون الكتب بأنفسهم من مصر و لبنان و سوريا و الاردن و الكتاب يكون فيه منه نسخ محدوده جدا


تقع مكتبه آفاق في المنطقة الحرة بمنطقة الشويخ .. و المبنى يطل على البحر و مجاور لبنك بيت التمويل الكويتي ، و هو امتداد لستاربكس .. يعني من يكون ستاربكس على ايدج اليمين .. كملي سيده و خلي الشارع بروحه يلف فيج رح توصلين لها بسهولة شديده

هذا شكل المبنى من بره

و فيها قعدات و كراسي خارجيه و هم بعد داخل فيها كراسي .. عشان تقعدين و تقرين و تستمتعين و الحلو ان فيها كافيه صغيرون جدا جدا تقدرين تطلبين منه و انتي قاعده تقرين يعني فيها كافيه و مكتبه في نفس الوقت ! شي واااااااااايد حلو لان وايد بنات يسألون دايما .. ودنا نقرا بمكان هادي .. وين كافيهات هاديه

هذه اصلا مكتبه و سوولكم ركن كافيه . انسو الازعاج طبعا ! مااااااكو شي اسمه جذي لأن المنطقة اساسا هاديه و مبنى المكتبه صاير بالمنطقة الحره آآآآخر شي بعيد عن القهاوي و زحمتها .. جبال المكتبه أكو بحر ... يعني منظر حلو و هدوء و مكتبه شرحه !

هذا ركن كتب الاطفال

 هذي الصوره توضح بعض تقسيمات و انواع الكتب اللي عندهم .. تلاحظون ان من كل كتاب اكو نسخ محدوده .. و اول ما تخلص اييبون اذا حسو عليها طلب ... باستثناء الكتب اليديده يكون في منها نسخ أكثر طبعا 

بعض الكتب الموجوده .. 

و فيها كورنر صغير للكتب الطبيه  

نظره عامه لشكل الارفف في المكتبه 

شوفو المنظر من الدريشه شلون 

لا تترددون تطلبوون اي مساعده او استشاره من أمين المكتبه :) ااستاذ فارس :) انسان مثقف من الطراز الاول و قارئ نهم و له خبره طويله مع الكتب :)


الصور منقوله من قروبهم في الفيس بوك ..

و هذا رابط صفحتهم على الفيس بوك 

http://www.facebook.com/#!/pages/mkt...1155274?ref=ts

و هذا رقم تليفونهم :24610891

صفحتهم على تويتر

http://twitter.com/#!/AafaqBookstore

و عندهم خدمه كي نت ، و فيزا ، و ماستر كارد

: 

مصدر التقرير 

منتديات كويتيات